Embassy of the Republic of the Union of Myanmar
London
Embassy of the Republic of the Union of Myanmar , LondonEmbassy of the Republic of the Union of Myanmar , LondonEmbassy of the Republic of the Union of Myanmar , LondonEmbassy of the Republic of the Union of Myanmar , London

(၇၂)ကြိမ်မြောက်၊ ကုလသမဂ္ဂ အထွေထွေညီလာခံ အထွေထွေမူဝါဒရေးရာ ဆွေးနွေးပြောကြား မှုများတွင် မြန်မာနိုင်ငံအပေါ် စွပ်စွဲပြောဆိုချက်များနှင့် ပတ်သက်၍ မြန်မာကိုယ်စားလှယ်အဖွဲ့မှ တုံ့ပြန်ချေပ

(၇၂)ကြိမ်မြောက်၊ ကုလသမဂ္ဂ အထွေထွေညီလာခံ အထွေထွေမူဝါဒရေးရာ ဆွေးနွေးပြောကြား မှုများတွင် မြန်မာနိုင်ငံအပေါ် စွပ်စွဲပြောဆိုချက်များနှင့် ပတ်သက်၍ မြန်မာကိုယ်စားလှယ်အဖွဲ့မှ တုံ့ပြန်ချေပ

နယူးယောက်မြို့၊ ကုလသမဂ္ဂဌာနချုပ်၌ ကျင်းပပြုလုပ်ခဲ့သည့် (၇၂)ကြိမ်မြောက်၊ ကုလသမဂ္ဂ အထွေထွေညီလာခံ အထွေထွေမူဝါဒရေးရာ ဆွေးနွေးပြောကြားမှု အတွင်းတွင်၊ ဘင်္ဂလားဒေ့ရှ်နိုင်ငံ အပါအဝင် နိုင်ဂျီးရီးယား၊ ပြင်သစ်၊ တူရကီ၊ အာဖဂန်နစ္စတန်၊ ပါကစ္စတန်၊ ယူအေအီး၊ မလေးရှား၊ မော်လ်ဒိုက်၊ ချက်နိုင်ငံ တို့က မြန်မာနိုင်ငံနှင့်ပတ်သက်၍ “ရက်စက်ကြမ်းကြုတ်ခြင်း(atrocities)”၊ “မျိုးနွယ်စုအား သုတ်သင်ရှင်းလင်းခြင်း(ethnic cleansing)” စသည်ဖြင့် မှန်ကန်မှုမရှိသည့် စွပ်စွဲပြောကြားမှုများ ပြုလုပ်ခဲ့ပါသည်။

သို့ဖြစ်ပါ၍ မြန်မာကိုယ်စားလှယ်အဖွဲ့ အနေဖြင့် စွပ်စွဲ ပြောကြားချက်များအား ပြန်လည် တုံ့ပြန်ချေပသည့်မိန့်ခွန်း (Right of Reply) တစ်ရပ်ကို ၂၅-၉-၂၀၁၇ ရက်နေ့တွင် ပြောကြားခဲ့ပါသည်။ အဆိုပါမိန့်ခွန်းတွင် -
- ရခိုင်ပြည်နယ် အခြေအနေကို မျိုးနွယ်စုအား သုတ်သင်ရှင်းလင်းခြင်း “ethnic cleansing” အဖြစ် အခြေအမြစ်မရှိဘဲ ထပ်တလဲလဲ စွပ်စွဲပြောကြားနေကြသည်မှာ အလွန်စိတ်မကောင်းဖွယ်ဖြစ်ပါကြောင်း၊
- “ရက်စက်ကြမ်းကြုတ်ခြင်း (atrocities)”၊ “မျိုးနွယ်စုအား သုတ်သင်ရှင်း လင်း ခြင်း (ethnic cleansing)”၊ “လူမျိုးတုံးသတ်ဖြတ်ခြင်း (genocide)” စသည့် အသုံးအနှုန်းများကို ပေါ့ပေါ့တန်တန် အသုံးမပြုသင့်ကြောင်း၊ ခိုင်မာသည့်သက်သေ အထောက်အထားရှိမှသာ ယင်းစကားလုံးများ ကိုသုံးနှုန်း ရန် စဉ်းစားသင့်ပါကြောင်း၊
- အချို့သော ကိုယ်စားလှယ်အဖွဲ့များက မြန်မာနိုင်ငံ၏ အခြေအနေနှင့် ပတ်သက်၍ “ရက်စက်ကြမ်းကြုတ်ခြင်း”၊ “မျိုးနွယ်စုအား သုတ်သင်ရှင်း လင်းခြင်း” စသည့် စကားလုံးများကို သုံးနှုန်း၍ ကိုးကားဖော်ပြနေခြင်းကို မြန်မာနိုင်ငံအနေဖြင့် အပြင်း အထန်ကန့်ကွက်ပါကြောင်း၊ အဆိုပါ ကိုယ်စား လှယ်အဖွဲ့များနှင့် နိုင်ငံတကာအသိုက်အဝန်းအနေဖြင့် ရခိုင်ပြည်နယ် မြောက်ပိုင်းအခြေအနေကို ဓမ္မဓိဌာန်ကျကျ နှင့် ဘက်လိုက်မှုမရှိဘဲ ရှုမြင်ကြရန် တိုက်တွန်းလိုပါကြောင်း၊
- မြန်မာနိုင်ငံ၌ “မျိုးနွယ်စုအား သုတ်သင်ရှင်းလင်းခြင်း” မရှိကြောင်းကို ရှင်းလင်းစွာ အသိပေး ပြောကြားလိုပါကြောင်း၊ လူမျိုးတုံးသတ်ဖြတ်မှုလည်း မရှိပါကြောင်း၊ လွတ်လပ်ခွင့်နှင့် လူ့အခွင့်အရေးအတွက် ကာလကြာမြင့်စွာ ကပင် ကြိုးပမ်းဆောင် ရွက်နေကြသည့် မြန်မာ့ခေါင်းဆောင်များ အနေဖြင့် ယင်းမူဝါဒများကို မထောက်ခံပါကြောင်း၊ မိမိတို့အနေဖြင့် မျိုးနွယ်စုအား သုတ်သင်ရှင်းလင်းခြင်းနှင့် လူမျိုးတုံး သတ်ဖြတ်ခြင်းတို့ကို ကာကွယ်တား ဆီးနိုင်မည့် မည်သည့်အရာကိုမဆို ဆောင်ရွက် သွားမည်ဖြစ်ပါကြောင်း၊
- အကြမ်းဖက်မှု တိုက်ဖျက်ရေးနှင့် အပြစ်မဲ့ အရပ်သားများအား ကာကွယ ပေးရေးတို့သည် အစိုးရတိုင်း၏ တာဝန်ပင်ဖြစ်ပါကြောင်း၊ မိမိတို့အနေဖြင့် လူ့အခွင့်အရေး ချိုးဖောက်မှုများအားလုံးနှင့် အကြမ်းဖက် ဆောင်ရွက်မှုများ ကို ရှုတ်ချပါကြောင်း၊
- သြဂုတ်လ ၂၅ ရက်နေ့တွင် ရခိုင် ပြည်နယ်မြောက်ပိုင်းရှိ ရဲကင်းစခန်းပေါင်း (၃၀) ကျော်မှာ ARSA အဖွဲ့. တစ်ပြိုင်နက်တည်း အကွက်ကျကျ တိုက်ခိုက်မှု ခံခဲ့ရပါ ကြောင်း၊ ယင်း တိုက်ခိုက်မှုများကြောင့် လူများ အသက်အိုးအိမ် ဆုံရှုံးခဲ့ရပြီး နေရပ်စွန့်ခွာ ထွက်ပြေးခဲ့ကြရပါကြောင်း၊
- ထိုသို့ အိုးအိမ်စွန့်ခွာ ထွက်ပြေးခဲ့ရသူ အမြောက်အမြားရှိပါကြောင်း၊ မူဆလင်နှင့် ရခိုင်လူမျိုးများသာမက ဒိုင်းနက်၊ မြို၊ သက်၊ မရမာကြီး ကဲ့သို့သော တိုင်းရင်းသား လူနည်းစုများနှင့် ဟိန္ဒူဘာသာဝင်များလည်း ပါဝင်ပါကြောင်း၊ ယင်း တိုင်းရင်းသား လူနည်းစုများ တည်ရှိမှုနှင့် ၎င်းတို့၏ ဒုက္ခကို ကမ္ဘာ့နိုင်ငံ အတော်များများမှ မသိရှိပါ ကြောင်း၊
- ရခိုင်ပြည်နယ်မြောက်ပိုင်းရှိ အထိခိုက်ခံနယ်မြေမှ မူဆလင် အသိုက် အဝန်းသည် သတင်းများတွင် အကျယ်တဝင့် ဖော်ပြနေကြသကဲ့သို့ လူနည်းစု မဟုတ်ပါကြောင်း၊ စင်စစ်အားဖြင့် လူဦးရေ တိုးပွားလာမှုကြောင့် ၎င်းတို့မှာ လူများစုဖြစ်ပြီး၊ ယင်းဒေသ ရှိ လူဦးရေစုစုပေါင်း၏ ၉၅% ဖြစ်ပါကြောင်း၊
- ပြီးခဲ့သည့်နေ့က ARSA အကြမ်းဖက်အဖွဲ့၏ ရက်စက်ကြမ်းကြုတ်မှုကို ထပ်မံ တွေ့ရှိခဲ့ပါကြောင်း၊ ARSA အကြမ်းဖက်အဖွဲ့၏ ရက်စက် ကြမ်း ကြုတ်စွာ သတ်ဖြတ်မှုကို ခံခဲ့ရသည့် အမျိုးသမီးများနှင့် ကလေးသူငယ် များအပါအဝင် ဟိန္ဒူဘာသာ ဝင် (၂၈) ဦး၏ ရုပ်အလောင်းများကို အာဏာပိုင်များက တူးဖော်တွေ့ရှိခဲ့ပါကြောင်း၊ ယနေ့တွင် ရုပ်အလောင်း (၁၇) လောင်းကို ထပ်မံ၍ တူးဖော်တွေ့ရှိခဲ့ပါကြောင်း၊ ၎င်း တို့မှာ သြဂုတ်လ ၂၅ ရက်နေ့တွင် တိုက်ခိုက်မှုများ ဖြစ်ပွားခဲ့ပြီး နောက်ပိုင်း ပျောက် ဆုံးနေသည့် ဟိန္ဒူဘာသာဝင် (၉၃) ဦးထဲတွင် ပါဝင်သူများ ဖြစ်ပါကြောင်း၊
- လူအများအပြား ထွက်ပြေးရသည့် အကြောင်းအရင်းများစွာ ရှိပါကြောင်း၊ ၎င်းတို့ အနက် အဓိကအကြောင်းအချို့မှာ ကြောက်လန့်မှုကြောင့်ဖြစ်ကြောင်း၊ အကြမ်းဖက် တိုက်ခိုက်မှုများနှင့် လုံခြုံရေးတပ်ဖွဲ့များ၏ နယ်မြေရှင်း လင်းမှုနောက်ပိုင်း အမျိုးသမီးများနှင့် ကလေးသူငယ် အများစုတို့ ထွက်ပြေးခဲ့ကြောင်း၊ အမျိုးသားများကို ARSA အဖွဲ့တွင် ဝင်ရောက်စေ၍ လုံခြုံရေးတပ်ဖွဲ့များကို တိုက်ခိုက်စေခဲ့ကြောင်း၊ နိုင်ငံတကာ၏ အာရုံစိုက်မှုကို ရရှိရန်အတွက် ဘင်္ဂလားဒေ့ရှ်နိုင်ငံဘက်သို့ ထွက်ပြေး ရန် ရွာသားအမြောက်အမြားကို ခြိမ်းခြောက်ခဲ့ကြောင်း၊ နောက်တစ်ချက်မှာ အကြမ်း ဖက်သူများ၏ မြေလှန်သည့် မူဝါဒ ကျင့်သုံးမှုကြောင့်ဖြစ် ကြောင်းဖြင့် ပြောကြားခဲ့ပါသည

ထို့အပြင် အစိုးရအနေဖြင့် အခြေအနေ ပုံမှန်အနေအထားသို့ ပြန်လည်ရောက်ရှိရန် ဆောင် ရွက်လျက်ရှိကြောင်း၊ စက်တင်ဘာလ ၅ ရက်မှ စတင်၍ လက်နက်ကိုင် ထိတွေ့မှုများ မရှိတော့ ကြောင်းတို့အပြင် လူသားချင်းစာနာထောက်ထားမှု အကူအညီ များပေးအပ်ရေးအတွက် ဆောင်ရွက်နေမှုများ အပါအဝင် ရခိုင်ပြည်နယ် တည်ငြိမ်မှု ရရှိရေး၊ တိုးတက်ဖွံ့ဖြိုးရေး တို့အတွက် ရေတို/ရေရှည် ဆောင်ရွက်သွားမည့် ကိစ္စရပ်များ ကို အကျယ်တဝင့် ထည့်သွင်းပြောကြားခဲ့ ကြောင်းသိရှိရပါသည်။
သတင်းဓာတ်ပုံ- မြန်မာကိုယ်စားလှယ်အဖွဲ့

Ref: Ministry of Foreign Affairs

  • Download : Click to download
  • Announcements

    Latest Updates

    Activities